Transcription
1
Monsieur, notre voiage, la Dieu graces, a esté tousiours
2
en très bonne senté, mesmes mon nepveu ne sest
3
aucunement resanti du travail, si nest que sa jambe
4
pareyssoit ung peu le soir plus enflée que de coustume
5
mais neanmoings sans douleur. Nous ne feumes sans
6
peine, ayant sceu lexecution qui ha esté faite en ceste
7
ville pour le respect principal de monsieur de La Roche et ausy que ne nous treuvions par trop assurés
8
au champs et en aprenans par sa grace à lung et
9
à lautre. Je ay trouvé à mon arrivée deux despehes votres
10
du XXVI aoust, ausquelles ne se feit autre response pour
11
estre survenu ce qui est. Despuis en ay receu une du
12
premier et septe votre, laquieulle vint bien à propos car
13
le bruit comme cestoit en ceste court que Valance estoit
14
entre les meins de ceulx de la relligion. Je disoit que
15
sils avoient estés les premiers advertis, il estoit
16
croiable pour estre le plus fors. Votre dite depeche feut
17
fort agreable à leurs magestés. Je poursuivray le retour
18
des Corses vers vous et pance sera outroie Jusques Ici
19
je nay enquores pas parler daffaires. Mon nepveu
20
a receu bone chère de leurs magestés. Le recommandant
21
à la roine, elle me demanda à qui aviés vulonté
22
quil feut, je luy respondis que naviés autre voulonté
23
que la sienne et cogneus lors quelle avoit leu votre
24
letre, car elle me dit que cestoit comme luy en
25
escripviés. Elle mentretint longuement de la mauvaise
26
volonté que feu monsieur ladmiral avoit en votre endret
27
et de lassuranse quelle avoit tousiours hue de vous
28
et me demanda si monsieur de St Romain et Cheylas
29
estoit mort, don respondis nen scavoir rien. Lons
30
tient pour certein quils ne le soint point, ausy
31
nest iugé que le roy a pardoné à la requeste
32
de monsieur d’Estanais qui se dit estre son parent
33
ayant ausy sa magesté heu esgard quil est comme
34
il dit estranger. Monsieur de La Roche, notre frère
35
ha beacop de bons amis et seigneurs et ayant
36
[v°] leurs magestés sceu quil estoit à son lougis au hasard des
37
autres par monsieur de Vaucluson et monsieur de Chatellart
38
comandarent à monsieur de Causerans de laller prandre
39
et conduire ches luy en surte, ce quil a fait
40
avec beaucop dhonestetés et courtoisies, qui ausy
41
luy hont estées offertes par monseigneur de Guise
42
avec sa maison de Nanteul ou autre où il
43
aymera mieulx se retirer. Monsieur, nous sommes en
44
grand peine de ce quil surviendra et sil vous
45
plait par vous premières nous en donnerés advis.
46
Nous navons pas oultre la maison de mon dit
47
seigneur de Guise faulte de maisons proches ici
48
pour sa retrete et non suspectes, mesmes
49
Ranboulhet, Conpenière qui est à monsieur de Londricourt
50
et autres de nous amis. Je lai retiré avec le
51
sceu de leurs magesté et sommes logés ensamble
52
Je remets à monsieur de Chatelart à vous rescripre
53
plus particulierement toutes choses comme pance a
54
desia fait. Jai veu mon nepveu Baltesar qui avec ses
55
compagnons, se portent très bien et ne paroit rien
56
a leur visage. Je nai enquores veu leur maistre.
57
Je luy parleray pour les loger au college comme mescripvés
58
et poursuivray tous vous affaires le mieulx
59
que pourray. Jusques ici, lons est comme pouvés
60
pancer assés occupés a entendre nouvelles
61
de tous les coustés de ce reaume ; lons
62
parle des affaires de Flandres qui seroient nouvelles
63
et massure en avés plus assurées nouuelles ou autant
64
par voie que Lion. Monsieur le mareschal
65
Dampville parle de partir dans huit ou X jours
66
pour aller en son gouvernement. Monsieur de
67
Montmorancy est à Chantilly. Je nescrips en
68
Provence pour ce coup pour nen avoir le loisir.
69
Sil vous plait par votre première depecher
70
Ceste et le contenu dicelle y sera comuniqué.
71
[300] Et sur ce, après mestre très humblement recommandé
72
à vous bones graces et celles de madame de Gordes
73
et du reste de votre compagnie, je prieray Dieu
74
vous donner
75
Monsieur, en santé contante vie. De Paris, ce
76
VII septembre
77
Votre à jamais très humble et très obeissant frère De Simienne
78
Laffaire de Cot est depeché comme ma dit
79
monsieur de Chatellart, celle de Rivart
80
je la poursuivray mais d’arrivée tous les
81
cappitaines et gardes m’hont dit quil nauront
82
aucune place vacante et beaucop de promises,
83
mesmes par le roy, aians neanmoins à
84
ce quils m’hont dit, bone voulounté de vous
85
gratifier en cella. Je y feray mon possible
86
Mon nepveu recouvrera
87
les IIIIc livres tournois en
88
avoyt letre de banque.
89
Monsieur Beson se pleint
90
pour navoir argent de
91
monsieur de Rousset.
92
Nayant moyen lui escripre,
93
sil vous plait len advertirés
94
à celle fin quil y prouvoye.
95
Lons avoit oblié à metre dans ma depeche, la letre
96
de St Romein à monsieur le president Truchon, mais il
97
nimporte
98
99